विद्यार्थी मित्रहो   सोमवार दिनांक 22 जुलै 2024 रोजी सकाळी नऊ वाजता कॉमर्स फोरम उद्घाटन व कंपनी सचिव या क्षेत्रातील करिअरच्या संधी या विषयावर मार्गदर्शन पर व्याख्यान होणार आहे. कंपनी सचिव या क्षेत्रामध्ये भरपूर मोठ्या प्रमाणात संधी आहेत, कंपनी सचिव ही पात्रता धारण केल्यास तुम्ही स्वतःचे प्रॅक्टिस करू शकता किंवा मोठमोठ्या कंपन्यांमध्ये कंपनी सचिव  म्हणून काम करू शकता. अजूनही मोठ्या प्रमाणात कंपनी सचिवांची कमतरता आहे. म्हणून आपल्या महाविद्यालयातील विद्यार्थ्यांना या संदर्भात माहिती मिळावी या उद्देशाने सदरचे व्याख्यान आयोजित केलेले आहे. यामध्ये CS सचिन बिडकर व CS जयदीप पाटील मार्गदर्शन करणार आहेत, तरी सर्व विद्यार्थ्यांनी सदर कार्यक्रमास हजर राहावे व कंपनी सचिव या क्षेत्रातील करिअरच्या संधी जाणून घ्याव्यात. 

                                                                @ वाणिज्य विभाग @

    दिनांक 04 जुलै 2024 रोजी वाणिज्य विभागामार्फत बी. कॉम. भाग 3 विद्यार्थी समुपदेशन वर्गाचे आयोजन करण्यात आले. कार्यक्रमाच्या  अध्यक्षस्थानी महाविद्यालयाचे प्राचार्य डॉ.  आर. के.  शानेदिवाण  होते. प्रा. डॉ. राहुल मांडणीकर सर IQAC coordinator यांची प्रमुख उपस्थिती या कार्यक्रमासाठी लाभली. कार्यक्रमाची सुरुवात महाविद्यालयाच्या प्रार्थनेने झाली . उपस्थित मान्यवर व विद्यार्थ्यांचे स्वागत प्रा. डॉ. सी. के. पाटील यांनी  केले. यानंतर कार्यक्रमाचे प्रास्ताविक व विद्यार्थ्यांना नवीन अभ्यासक्रम, कॉलेजच्या असणाऱ्या वेगवेगळ्या ऍक्टिव्हिटी,  कोर्सेस या संदर्भातील सखोल मार्गदर्शन वाणिज्य विभाग प्रमुख प्रा. संतोष कांबळे  यांनी केले. त्यानंतर अध्यक्षीय मनोगतात  प्राचार्य सरांनी  नवीन शैक्षणिक धोरण,  परीक्षा आराखडा या संदर्भात विद्यार्थ्यांना मार्गदर्शन केले यासोबतच भविष्यात यशस्वी होण्यासाठी विद्यार्थ्यांनी आपले स्वतःचे परीक्षण करावे व  शिक्षणासोबतच इतर कौशल्य आत्मसात करावी व यातुन आपले भवितव्य उज्वल करून महाविद्यालयाचे नाव मोठे करावे असे आवाहन केले.  कार्यक्रमाचे आभार प्राध्यापिका अस्मिता इनामदार यांनी मानले. या कार्यक्रमासाठी बीकॉम भाग तीन मधील सर्व विद्यार्थी, कॉमर्स विभागातील इतर सहकारी प्राध्यापक उपस्थित होते. कार्यक्रमाचे सूत्रसंचालन प्रा. डॉ. सी .के. पाटील यांनी केले.

कॉमर्स विभाग प्रमुख प्रा. संतोष कांबळे मार्गदर्शन करताना 

प्राचार्य डॉ. आर. के. शानेदिवाण मार्गदर्शन करताना 

 

             दिनांक 11 फेब्रुवारी 2023 रोजी सकाळी नऊ वाजता कॉमर्स विभागामार्फत बी कॉम भाग तीन मधील विद्यार्थ्यांनी व्यवसाय नियमन विषयक कायदे या संदर्भात भित्तिपत्रक प्रदर्शनाचे आयोजन करण्यात आले. कार्यक्रमाचे स्वागत आदित्य चौगुले व तेजस डवरी यांनी केले. कार्यक्रमाचे उद्घाटन महाविद्यालयाचे प्राचार्य डॉक्टर आर के  शानेदिवाण  यांनी केले. त्यानंतर विद्यार्थ्यांनी तयार केलेल्या पोस्टरचे प्रदर्शन केले. यामध्ये विद्यार्थ्यांनी व्यावसायिक कायद्यासंदर्भात व महिला, बालक या संदर्भातील वेगवेगळ्या  कायद्याविषयी पोस्टर्स तयार करून त्याचे प्रदर्शन सर्वांच्या समोर केले. यानंतर कॉमर्स विभाग प्रमुख प्राध्यापक संतोष कांबळे यांनी सर्व मान्यवरांचे कॉमर्स विभागमार्फत स्वागत केले व कॉमर्स विभागामार्फत राबवले जाणारे कार्यक्रम या संदर्भात माहिती दिली व सहभागी विद्यार्थ्यांचे अभिनंदन केले. अध्यक्षीय मनोगतात महाविद्यालयाचे प्राचार्य डॉ. आर. के. शानेदिवाण  यांनी सहभागी सर्व विद्यार्थ्यांचे अभिनंदन केले व महिला व बालकांच्या संदर्भातील कायदे सर्वांना माहीत असायला पाहिजेत असे प्रतिपादन केले त्याचबरोबर इतर कायदे सुद्धा विद्यार्थी व समाजातील सर्व घटकांच्या पर्यंत पोहोचवणे गरजेचे आहे यावर भर दिला व कॉमर्स विभागातील सहभागी विद्यार्थ्यांचे अभिनंदन केले व शुभेच्छा दिल्या. यावेळी NAAC समन्वय डॉ. एन एस यांनी जाधव यांची प्रमुख उपस्थिती होती. या सर्व कार्यक्रमाचे संयोजन कॉमर्स विभागातील प्राध्यापिका Adv. सौ गौरी पाटील व बी कॉम भाग तीन मधील सर्व विद्यार्थ्यांनी केले. यावेळी विभागातील प्राध्यापक महेश धनवडे, डॉ. एम ए शिंदे व बी कॉम मधील सर्व विद्यार्थी उपस्थित होते. कार्यक्रमाचे आभार समीक्षा परमाज यांनी मानले व सर्व कार्यक्रमाचे सूत्रसंचालन आदित्य चौगुले यांनी केले.

 

                

आपल्या महाविद्यालयातील बीकॉम भाग तीन च्या विद्यार्थ्यांनी व्यावसायिक व इतर कायदे या संदर्भात भित्तिपत्रक प्रदर्शनाचा कार्यक्रम आयोजित केलेला आहे तरी आपण सर्वांनी या कार्यक्रमास सकाळी नऊ वाजता रूम नंबर 30 मध्ये हजर राहावे. कार्यक्रमाचे उद्घाटन महाविद्यालयाच्या प्राचार्यांच्या हस्ते होणार आहे

Lead College Workshop

      वाणिज्य विभाग, श्री शहाजी छत्रपती महाविद्यालय मार्फत, शिवाजी विद्यापीठ, अग्रणी महाविद्यालय योजना, डी आर के कॉलेज ऑफ कॉमर्स क्लस्टर अंतर्गत  " *उद्योजकता विकास: आजची गरज"* या विषयावरती एक दिवसीय कार्यशाळेचे आयोजन करण्यात आले. यामध्ये प्रथम यशस्वी उद्योजकांची यशोगाथा या विषयावरती भित्तिपत्रकाचे उद्घाटन शिवाजी विद्यापीठ वाणिज्य व व्यवस्थापन विभाग प्रमुख डॉ. ए. एम. गुरव यांच्या शुभहस्ते व महाविद्यालयाचे प्राचार्य डॉ. आर. के. शानेदिवाण  यांच्या प्रमुख उपस्थितीत झाले. कार्यशाळेचे उद्घाटन डॉ. ए. एम. गुरव यांच्या शुभहस्ते झाले. या उद्घाटनाच्या कार्यक्रमाच्या अध्यक्षस्थानी महाविद्यालयाचे प्राचार्य डॉ. आर. के. शानेदिवाण  हे होते उद्घाटनाच्या कार्यक्रमाचे प्रास्ताविक कॉमर्स विभाग प्रमुख प्राध्यापक एस एच कांबळे यांनी केले. कार्यक्रमाचे उद्घाटन वृक्षाला जली संजीवनी देऊन करण्यात आले यावेळी IQAC समन्वयक डॉ. एन एस जाधव यांची प्रमुख उपस्थिती होती. अध्यक्षीय मनोगतात महाविद्यालयाचे प्राचार्य डॉ. आर. के. शानेदिवाण  यांनी महाविद्यालयाच्या प्रगतीचा आढावा घेतला व महाविद्यालयांमध्ये राबविले जाणारे वेगवेगळे उपक्रम यासंदर्भात माहिती दिली व उद्योजकता विकास या विषयाचे सर्व समावेशकता स्पष्ट केली. प्रथम सत्र उद्योजकता विकास या विषयावरती झाले प्रथम सत्राचे साधन व्यक्ती डॉ. ए एम गुरव हे होते त्यांनी उद्योजकता विकास, उद्योगाची नवनवीन क्षेत्रे या संदर्भात मार्गदर्शन केले या कार्यक्रमाचे आभार प्राध्यापक एस एच कांबळे यांनी मानले. दुसऱ्या सत्राचे साधन व्यक्ती डॉ. पी. डी. राऊत  हे होते होते त्यांनी स्टार्ट अप इकोसिस्टम यासंदर्भात मार्गदर्शन केले त्यांनी आपल्या  व्याख्यानात नवीन संकल्पनेचा विकास कशा पद्धतीने केला पाहिजे व त्यासाठी शासन, विद्यापीठ कशाप्रकारे साहाय्य करते यासंदर्भात सखोल मार्गदर्शन केले. या कार्यक्रमाचे आभार डॉ. डी.पी. गावडे यांनी मांडले. तृतीय सत्राचे साधन व्यक्ती प्रसिद्ध उद्योजक शक्ती कश्यप होते त्यांनी आपल्या व्याख्यानात त्यांचे उद्योजकीय वाटचाल स्पष्ट केली व उद्योग  करताना कोणत्या अडचणी येतात व त्यावर ती कशाप्रकारे मात केली पाहिजे यासंदर्भात मार्गदर्शन केले. समारोपाच्या सत्रामध्ये वेगवेगळ्या महाविद्यालयातील आलेल्या विद्यार्थी, शिक्षक यांनी आपले मनोगत व्यक्त केले व कार्यशाळेबद्दल समाधान व्यक्त केले. समारोपाच्या सत्राचे अध्यक्षस्थानी महाविद्यालयाचे प्राचार्य डॉ. आर के शानेदिवाण  हे होते व यावेळी कार्यालयीन अधीक्षक मनीष भोसले यांची प्रमुख उपस्थिती होती. या कार्यक्रमाचे आभार डॉ. एम ए. शिंदे यांनी मांडले व सर्व कार्यक्रमाचे सूत्रसंचालन प्राध्यापक महेश धनवडे यांनी केले यावेळी विभागातील प्रा. प्रताप खोत, डॉ. तेजपाल मोहरेकर, प्रा.  सौ. उज्वला पाटील, एडवोकेट सौ गौरी पाटील, प्राध्यापक कृष्णात माळी, यांनी वर्कशॉप संदर्भातील वेगवेगळ्या जबाबदाऱ्या जबाबदारीने व यशस्वीरित्या पार पाडल्या.

      

Congratulations

Congratulations, 

    Two students of the Commerce department received merit scholarship from Shivaji University, Kolhapur, Congratulations once again, details of these student are as follows 

Sr.	Name of The Student	Class	Year
1	Tejas Tanaji Kidgaokar	B. Com. II	2021-22
2	Vishal Vilas Kamble	M. Com. II	2021-22