Shahaji College Commerce Dept.

 

श्री शहाजी छत्रपती महाविद्यालयाच्या कॉमर्स विभागाला 'सर्वोत्कृष्ट उपक्रमशील विभाग' पुरस्कार

    कोल्हापूर : श्री शहाजी छत्रपती महाविद्यालयाच्या कॉमर्स विभागाला शैक्षणिक वर्ष २०२४–२५ मधील 'सर्वोत्कृष्ट उपक्रमशील विभाग' हा मानाचा पुरस्कार प्रदान करण्यात आला. महाविद्यालयामध्ये विविध विभागांनी राबविलेल्या शैक्षणिक, संशोधन, विद्यार्थी विकास, समाजाभिमुख आणि नाविन्यपूर्ण उपक्रमांच्या आधारे हा पुरस्कार देण्यात येतो. या पुरस्कारासाठी महाविद्यालयातील सर्व विभागांकडून वर्षभरात राबविलेल्या उपक्रमांचे सविस्तर प्रस्ताव मागविण्यात आले होते. नियुक्त समितीने विविध निकषांवर प्रस्तावांचे परीक्षण करून विद्यार्थी-केंद्रित उपक्रम, शैक्षणिक गुणवत्ता, समाजोपयोगी कार्यक्रम, उद्योग व तज्ज्ञांशी समन्वय, संशोधनविषयक उपक्रम, कौशल्य विकास आणि विभागाची एकूण कार्यक्षमता यांचा सर्वंकष विचार करून कॉमर्स विभागाची 'सर्वोत्कृष्ट उपक्रमशील विभाग' म्हणून निवड केली. या पुरस्काराचे वितरण महाविद्यालयाच्या वार्षिक गुणगौरव समारंभात मोठ्या उत्साहात करण्यात आले. महाविद्यालयाचे प्राचार्य तसेच उपस्थित मान्यवरांच्या हस्ते हा सन्मान कॉमर्स विभागाचे विभागप्रमुख प्रा. संतोष कांबळे यांनी विभागातील सहकारी प्राध्यापकांच्या उपस्थितीत स्वीकारला. गेल्या शैक्षणिक वर्षात कॉमर्स विभागाने विद्यार्थ्यांच्या सर्वांगीण विकासासाठी विविध व्याख्याने, कार्यशाळा, औद्योगिक भेटी, आर्थिक साक्षरता अभियान, कौशल्य विकास कार्यक्रम, करिअर मार्गदर्शन, स्पर्धा, संशोधनपर उपक्रम तसेच समाजोपयोगी कार्यक्रमांचे यशस्वी आयोजन केले. या सातत्यपूर्ण आणि दर्जेदार कार्याची दखल घेत विभागाला हा मानाचा पुरस्कार प्रदान करण्यात आला.या यशाबद्दल महाविद्यालयाचे प्राचार्य यांनी कॉमर्स विभागातील सर्व प्राध्यापकांचे अभिनंदन करून भविष्यातही विद्यार्थीहिताचे नाविन्यपूर्ण उपक्रम अधिक प्रभावीपणे राबविण्याचा विश्वास व्यक्त केला. विभागप्रमुख प्रा. संतोष कांबळे यांनी हा पुरस्कार संपूर्ण कॉमर्स विभागातील सर्व प्राध्यापक, विद्यार्थी, माजी विद्यार्थी, महाविद्यालय व्यवस्थापन आणि सहकार्य करणाऱ्या सर्व घटकांच्या संयुक्त प्रयत्नांचे फलित असल्याचे सांगून सर्वांचे आभार मानले.

या सन्मानामुळे कॉमर्स विभागाच्या गुणवत्तापूर्ण कार्याला नवी प्रेरणा मिळाली असून, भविष्यातही विद्यार्थ्यांच्या सर्वांगीण विकासासाठी अधिक नाविन्यपूर्ण, कौशल्याधारित आणि समाजाभिमुख उपक्रम राबविण्याचा विभागाचा संकल्प असल्याचे यावेळी सांगण्यात आले.